Este novo concerto do ciclo Modulartec-Vortex contará coa música de @hataken_tfom, produtor e artista de música electrónica de Tokio, ademais de director do festival de modulares desa cidade. Utiliza os sintetizadores modulares para abranguer múltiples xéneros, creando un estilo único e cargado de psicodelia. Esta icona da escena modular xaponesa participou en múltiples festivais da envergadura de Ozora festival, Sonica festival ou o Sound Wave.

A parte visual será ofrecida por @hey_pablo!, alter ego de Pablo Pérez Sanmartín, vinculado á súa faceta como dj e ao seu traballo no mundo dos nft e a arte dixital. A súa obra fala do presente, das estéticas de consumo e das subculturas xuvenís desde a perspectiva do vanitas. O seu traballo púidose ver en diferentes museos como o CGAC, o CACP de Bordeaux, ou o New World Museum en Houston.