Esta agrupación, nada en 2013, debutou en concerto no Auditorio Abanca de Santiago de Compostela a tarde do 7 de novembro de 2015, dentro dos "II Encontros Troyanos en Compostela", levados a cabo para conmemorar o centenario da edición da novela.

Troyanos de Compostela xorde como proxecto vinculado ao Museo Casa daTroia cos obxectivos de investigar, promover e divulgar a música para Instrumentos de pulso e púa que tocaba a Tuna Compostelá a finais do século XIX e comezos do XX (época da novela); e lembrar a figura e a obra de diversos compositores galegos daquel tempo.

A agrupación conta actualmente con 32 compoñentes, persoas afeccionadas á música que actualmente son profesionais en distintos ámbitos, pero aos que lles une a súa pertenza durante a súa etapa académica á Tuna Universitaria.

Desde a súa presentación, o grupo realizou diversas actuacións, tanto en Santiago e a súa contorna como noutras localidades de Galicia (Carballo, Vilalba, Vilanova de Arousa, Celanova, Padrón, Cedeira,...), España (Salamanca, Madrid, Sevilla,...) e Portugal (Porto, Coimbra).

Destacar, a gravación do CD "Viva Galicia! A música non tempo da Casa da Troia", presentado nun concerto celebrado o 14 de xullo de 2018 no Teatro Principal de Santiago. O título deste CD é un homenaxe a Lugín; a José Gómez Veiga "Curros", director musical da Tuna Compostelá naqueles anos e músico de grande influencia na vida musical de Santiago.

VENDA DE LOCALIDADES

• Venda en liña: Ataquilla.com
• Venda no despacho de billetes do Teatro Colón unicamente días de espectáculo desde dúas horas antes (sempre que queden localidades dispoñibles)
• Venda no despacho de billetes central da praza de Ourense: de luns a venres de 11.00 h a 15.00 h e de 16.30 a 19.30 h (excepto festivos)