Catro discos de estudio, un libro autobiográfico e, mesmo, a banda sonora do videoxogo Los ríos de Alice, converten a Vetusta Morla nun dos grupos máis importantes no ámbito nacional, e os seus dous discos de ouro e platino confírmanos tamén como un referente español a nivel mundial.

Considerados o mellor grupo en directo na actualidade, arrincarán a súa xira Mismo sitio, distinto lugar en abril de 2018 en Salamanca, onde tocarán temas do seu último disco, sen esquecer os grandes éxitos que os levaron a ser unha das bandas madrileñas máis relevantes do panorama musical actual.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Coliseum: aberto só días de concerto desde as 17.00 h ata o inicio do concerto (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web