A Asociación Veciñal Oza Gaiteira Os Castros organiza a proxección do documental Doe O Courel. de Xacobe Meléndrez Fassbender

A mediados do mes de xullo de 2022, despois dunha primavera moi seca, a Serra do Courel, unha das xoias botánicas e paisaxísticas de Galicia, sufriu un grande incendio alimentado pola inxente cantidade de combustible acumulado, as condicións meteorolóxicas e a orografía. Máis de 13.000 hectáreas arrasadas polo lume no que foi o maior incendio que se lembra. Sonia e Óscar vivírono en primeira persoa, con risco para as súas vidas. Aquí contan as súas respectivas experiencias, os sentimentos que se desataron neles e formulan as dúbidas e esperanzas que poden traer as decisións que se tomen de agora en diante.

Ao finalizar a proxección haberá un debate no que se contará coa presenza de Xacobe Meléndrez.