SINOPSE:

Nun momento no que o noso sistema de saúde se enfronta a graves problemas, acentuados polo progresivo envellecemento da poboación, imponse reflexionar. Para facelo, o Dr. Fernando Diz-Lois e os seus colegas, os doutores Fernando de la Iglesia e Emilio Casariego, reformulan a cuestión dende a súa raíz no encontro entre o médico e o paciente, mostrándonos cómo actúa a mirada médica e confrontándonos coa necesidade dun cambio de modelo.

Faise preciso ir máis aló dunha medicina caracterizada polo afastamento entre o médico e o paciente, a estandarización da aproximación ao enfermo e a sobreutilización da tecnoloxía e as terapias farmacolóxicas, co consecuente aumento do gasto e unha crecente quebra no acompañamento da persoa enferma.

Para que estas reflexións teñan plena capacidade de interesar ao espectador, o noso documental ilústraas con dramatizacións de varios casos clínicos, comentadas polo Dr. Fernando Diz-Lois e interpretadas por actores de primeiro nivel, as cales nos permiten unir información e emoción da forma máis eficaz. Unha nova medicina ten que partir de quen padece a dor da enfermidade: o ser humano e, por iso, a cura só pode ser achada a través do encontro con outro ser humano: o médico atento.

FICHA TÉCNICA

Duración: 61 min.

Xénero: longametraxe documental.

EQUIPO ARTÍSTICO: Víctor Mosqueira, Pilar Pereira, Isabel Naveira, Covadonga Berdiñas, Gonzalo Uriarte, Xosé Barato, Mónica García. Coa participación especial de Chete Lera.

Cos doutores: Fernando Diz-Lois, Fernando de la Iglesia, Emilio Casariego.

EQUIPO TÉCNICO:

• Dirección: Raúl Veiga
• Produtor: Manuel Castelao
• Guión: Raúl Veiga e Fernando Diz-Lois
• Produción executiva: Guillermo Represa
• Dirección de fotografía: Juan Carlos Gómez
• Dirección artística: Alexandra Fernández
• Vestiario: Ana López
• Montaxe: Guillermo Represa
• Música: Zeltia Montes
• Son: Carlos Mouriño
• Mesturas: DRAX Audio
• Produtora: Producións Fenda S.L.

https://vimeo.com/123132160