Uns 120 alumnos de todas as idades, achégannos á India e á súa cultura exótica, marabillosa e chea de cor para vivir esta historia de amores, traizóns e vinganzas en clave de humor, danza e musical.

Unha moza campesiña, doída e traizoada no amor polo Príncipe Nimai a favor doutra muller, decide raptar ao seu primeiro fillo home e abandonalo á súa sorte na selva.

Lonxe de morrer devorado polos animais salvaxes, é criado por Ashna, unha Gorila que o acolle como seu. Chegado a unha idade, Ashna devólveo á "terra dos homes" para que atope a felicidade entre os da súa mesma raza. Esta forma de vida descoñecida para Tuka, o noso protagonista, poñerao a proba de supervivencia, tendo que pasar por difíciles retos e obstáculos na súa busca da felicidade. No seu camiño atopará amigos, inimigos e o amor da súa vida.

Dirección: Susana Crespo.