O Concello da Coruña, en colaboración cos centros públicos de Formación Profesional da cidade, a EASD Pablo Picasso e a EASD Mestre Mateo de Santiago, pon en marcha por terceiro ano consecutivo esta iniciativa. 

O obxecto das xornadas é dar a coñecer aos estudantes de secundaria a oferta e as novidades dos ciclos formativos de FP, das ensinanzas artísticas profesionais e dos estudos Superiores de Deseño na Coruña para o próximo curso 2026/2027, sendo os principais destinatarios o alumnado de bacharelato, o dos últimos cursos da ESO e o de FP de graos medio e básico. Tamén se dará a coñecer a oferta de FP Básica, para alumnado con dificultades de acadar o graduado escolar e o público en xeral.

O przo de inscrición ábrese o luns 19 de xaneiro, para o alumnado dos centros da Coruña, e o luns 26 para os/as alumnos/as matriculados/as en centros de fóra da cidade, non matriculados e persoas adulta. En tódolos casos, o prazo de inscripción finalizará o día 6 de febreiro ás 14:00 horas.

As persoas interesadas poderán formalizar a súa participación en liña a través da ficha de inscrición á que se accede desde o código QR que aparece no cartel das Xornadas ou desde este enlace, indicando o centro educativo no que está matriculada, as visitas e charlas ás que quere acudir (identificadas por un código numérico), así como os seus datos persoais.