O martes 11 de novembro, de 18 h. a 20 h., temos unha xornada de xogos dirixida a crianzas de 6 a 12 anos na Biblioteca Municipal Fórum Metropolitano.

Inscrición previa dende o martes 4 de novembro.

Un ano máis, sumámonos a esta interesante iniciativa promovida por unha organización internacional do ámbito bibliotecario, a American Library Association (ALA), que aposta por poñer en valor o importante papel que poden exercer os xogos nas bibliotecas.

A actividade consiste na practica e aprendizaxe de diversos xogos de mesa, para nenas e nenos con idades comprendidas entre 6 e 12 anos. A selección dos xogos utilizados na sesión estará adaptada e deseñada en función do perfil e idades dos participantes.

Dispoñerase de 4 mesas de xogo, formadas por grupos de ata 4 crianzas. As partidas terán unha duración curta e dinámica (ata 30 minutos) e estarán acompañados de 2 monitores de Metrópolis Cómics que farán as demostracións e explicarán os xogos.