O quinteto establecido en Madrid ofrecerá oito únicos concertos de fin de xira tras os que se despedirá dos escenarios españois ata 2018.

Oito citas moi especiais que arrincarán no Sant Jordi Club de Barcelona e culminarán no Baclaycard Center de Madrid. Alí poñerán final á xira de presentación do seu último traballo, Copacabana, que os consolidou como referencia en primeira liña da escena musical do país.

Será a última oportunidade de gozar do irresistible directo de IZAL ata 2018, xa que tras ese fin de festa o grupo retirarase durante unha tempada para preparar o seu novo traballo de estudio.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Coliseum: aberto só días de concerto desde as 17.00 h ata o inicio do concerto (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) e Internet