Hai xa máis dunha década que o produtor británico de música electrónica e DJ James Holden debutou con The Idiots Are Winning (2006), e provocou que medios como The Guardian se atrevesen a afirmar que era "o máis cegador debut na electrónica desde Music Has The Right To Children, de Boards Of Canada". No seu segundo álbum, The Inheritors (2013), seguiu evocando os citados Boards Of Canada, coa súa rigorosidade rítmica, pero tamén á psicodelia de Cluster e Popul Vuh. A finais de 2017 viu a luz o seu terceiro traballo co título de The Animal Spirits , nome da súa banda de acompañamento actual, coa que o rexistrou en Londres. Nel Holden experimentou unha transformación bastante radical, buscando, en palabras do propio artista, algo próximo ao "jazz espiritual interpretando música de transo folk". Os seus sintetizadores non perderon nadiña de nada do seu vigor melódico, pero engadiu a vibración orgánica de ventos e percusión gravados en directo dando lugar á "súa obra máis ambiciosa, pero tamén a máis accesible".

Venda de entradas

Despacho de billetes Central, Praza de Ourense: de luns a venres de 9.30 a 13 e de 16.30 a 19.30 h

Despacho de billetes Teatro Rosalía: só abre días de función de 16 a 20 h

Televenda: 902 044 226