Irán, Alemaña, Suíza | 2015 | 90 min

V.O. en inglés e persa afgán (darí) subtitulada en castelán.

Sonita, unha moza afgá de 18 anos, entrou en Irán sen papeis e búscase a vida nos suburbios de Teherán, mentres loita para facer realidade o seu soño: converterse en cantante de rap. A paixón pola música choca cos plans da súa nai, que quere casala a cambio de cartos e que mesmo xa lle puxo prezo á noiva: 9.000 dólares.

A través das súas cancións e videoclips de baixo orzamento descubrimos unha artista carismática, decidida a falar da dura realidade que a rodea cunha honestidade sobrecolledora. Como se pode liberar dunha contorna represiva e vivir a vida que desexa? O éxito en YouTube do videoclip Brides for Sae, canción inspirada na súa loita, abre unha porta á esperanza de cambiar o seu destino. Un retrato fascinante dunha moza en plena explosión creativa que contrasta coa falta de liberdade da sociedade na que lle tocou vivir.

VENDA DE LOCALIDADES:

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Centro Ágora: aberto só días de función desde unha hora antes (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h)

www.ticketea.com