A Coruña convértese un ano máis na capital da banda deseñada para celebrar, do 7 ao 13 de agosto, a 26º edición do Festival Viñetas desde o Atlántico, mostra internacional de referencia que na  Biblioteca Municipal Durán Loriga queremos celebrar un ano máis con mostras bibliográficas e con varios obradoiros.

As túas primeiras viñetas é o 1º dos obradoiros, impartido polo autor zaragozano afincado na Coruña, Diego Burdío (@capitanflinguis).Un obradoiro para mergullarse nos elementos narrativos da banda deseñada. Onomatopeias, metáforas visuais, viñetas, liñas cinéticas... todos os elementos básicos para manexarse facendo cómics.

Para nenos e nenas, de entre 6 e 10 anos, que se queiran achegar ao mundo creativo do cómic, este é o seu taller!