O mércores 21 de febreiro ás 18.00 horas temos un Obradoiro de creación de manga destinado a rapaces entre 9 e 14 anos, impartido por Yago García, na Biblioteca Fórum.

É posible crear un manga nun día? Sempre que coñezas as técnicas necesarias, si. Neste taller faremos primeiro un pequeno percorrido histórico para comprender a importancia do manga no mundo da arte e a cultura. A continuación aprenderemos as bases para crear un manga, desde a xestación das primeiras ideas, pasando polos bosquexos, o deseño de personaxes e as súas expresións, a composición de escenas, ata a creación dun portada rechamante.

Dando resposta a gran demanda que temos nas bibliotecas dos manga queremos que os rapaces coñezan o traballo que hai detrás de cada cómic e poidan ter unhas nocións básicas de como construír a súa propia historia.

Aproveitaremos para amosar os libros que temos na biblioteca sobre a cultura xaponesa.

Actividade con inscrición previa.