O obxectivo é que nais, pais e outros familiares poidan aprender a practicar o aproveitamento do poder emocional das nanas e cantos de berce para arrolar os seus bebés e comezar a transmitirlles a lingua e a música.

Nas dúas sesións de que consta o taller, as persoas participantes aprenderán a lles cantar aos seus bebés diversas nanas galegas, tanto de autoría como populares.

Impartido por: o músico Xabier Díaz (de Berrogüetto e aCadaCanto) e que, entre outros proxectos, publicou hai catro anos o exitoso disco Arrolos de salitre, un álbum que contén precisamente 11 cantos de berce en galego. Este disco foi editado xunto co músico Guillerme Fernández (tamén músico de Berrogüetto e aCadaCanto) e que tamén vai participar neste taller.

Número de prazas: 20 bebés de 0 a 3 anos acompañados dunha persoa adulta.

Inscrición: desde o 3 DE NOVEMBRO (ata completar as prazas), na conserxería do Ágora ou chamando ao 981 189 888.