2 ORADOIROS DE BALDE DE MASAXE INFANTIL, destinados a familias con bebés de 0 a 12 meses, impartidos por Carla Console.

O obradoiro constará duhna parte informativa sobre a "arte" da masaxe infantil, unha pequena demostración da técnica e un xogo de tacto. Serán os pais os que lle realizarán a masaxe e o xogo ao propio bebé.

Os OBXECTIVOS principais dos obradorios son:

• Acompañar as nais/pais na procura dun momento de dedicación exclusiva
• Axudar a reforzar os vínculos afectivos positivos.Informar sobre os beneficios da masaxe para o bebé, os pais/nais, a familia e a sociedade
• Ofrecer unha demostración práctica de masaxe
• Presentar un xogo de tacto e ofrecer ideas para poder interactuar desde a experiencia do tacto

CONTIDOS:

1. Presentación e benvida. Coméntaselles aos pais/nais que atender e responder as necesidades dos seus bebés fai parte do obradoiro e que os bebés dirixirán a miúdo o rítmo das actividades. Todos os bebés son benvidos cos seus sons e os seus estados anímicos.
2. Historia e misión da IAIM e da AEMI
3. Beneficios da masaxe infantil para os bebés, os pais/nais, as familias e a sociedade.
4. Algúns conceptos claves do programa: pedir permiso e observación
5. Práctica: versión adaptada para o obradoiro dunha masaxe de pernas e pés e un xogo de tacto
6. Rolda de preguntas e despedida

Impartidos por: Carla Console.

• Psicóloga infantil, especializada en Desenvolvemento Neuropsicomotriz de 0-3 anos
•  Educadora de masaxe infantil certificada por IAIM e membro de AEMI (Asociación Española de Masaje Infantil)
• En proceso de formación (anuais) en "Saúde Mental Perinatal" e en "Muller cíclica" (adolescencia, maternidade, menopausia)
• Experiencia como psicóloga en centro educativo con nenes/as de 0 a 12 anos (2006-09)
• Experiencia de dinamización en grupos de familias con bebés