Uso de cookies nas páxinas web do Concello da Coruña
Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso
A participación será libre para todas as persoas visitantes que aboen a entrada correspondente na recepción do Aquarium Finisterrae.
Organiza:
UDCiencia d+i e Aquarium Finisterrae-Museos Científicos
O Aquarium Finisterrae acolle o sábado 1 de abril catro obradoiros experimentais sobre a vida mariña organizados polo grupo de divulgación e innovación docente UDCiencia d+i.
As actividades estarán dirixidas por profesorado e alumnado da Universidade da Coruña, en horario de 10.00 h a 14.00 h e de 16.00 h a 18.30 h.
A participación estará aberta a todas as persoas que visiten o Aquarium Finisterrae ese día.
A xornada será unha oportunidade para descubrir e aprender ciencia participando en experimentos, xogos e actividades.
Nesta ocasión o contido dos talleres incluirá diseccións e outras actividades:
Os peixes. Farase unha disección dun peixe para dar resposta a estas preguntas: como se adaptan os peixes peláxicos para vivir na columna de auga?, cales son esas adaptacións?, nadan?, flotan?
Os cefalópodos. Estes moluscos desenvolveron características biolóxicas que os fan particularmente interesantes: non teñen cuncha externa, son capaces de camuflarse, teñen unha visión moi ben deseñada, e un padrón de pigmentación moi variado. A través da disección dun destes animais explicaranse todas estas características.
As pegadas da vida. Os seres vivos ás veces deixan evidencias físicas ou químicas do seu paso pola vida. Explicarase como se forman estas pegadas e faranse réplicas dalgúns dos fósiles coñecidos analizando e observando as súas características anatómicas e biolóxicas.
Baixo presión! O concepto de presión é fundamental para entender moitos procesos naturais e tecnolóxicos. Presentaranse experimentos nos que se xogará coa presión atmosférica ou hidrostática para transvasar ou aspirar auga ou accionar pontes levadizas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge.
Instalar agora un navegador compatible