Xunto aos seus amigos, organizan unha feira para recadar os cartos necesarios para que o Sr. Bull poida realizar as reparacións. Todos traballan xuntos e encárganse de diferentes actividades durante a feira: Peppa é a responsable do ‘mergullo da sorte', Pedro vende globos, Danny é o encargado do micrófono para anuncios, Suzy Sheep é a creativa ‘pinta-caras' e Emily encárgase das antigüidades. Ademais hai un convidado especial á feira: o Sr. Potato do famoso parque temático de Patatolandia, que se encargará de ser o xurado da competición de saltos en charcos de barro.

Peppa Pig, George Pig, Mamá Pig, Papá Pig e os amigos de Peppa traballan como un grande equipo e logran así o obxectivo de arranxar o teito da gardería.