William Blake é unha icona do Romanticismo anglófono que influíu en referentes da poesía en inglés como W. B. Yeats e Allen Ginsberg, pero tamén cruzou fronteiras, atraendo a poetas do mundo hispano como Juan Ramón Jiménez ou Luís Cernuda, ademais de moitos outros artistas europeos, converténdoo nun referente obrigado de calquera artista interesado na visión imaxinativa, a rebeldía poética e a integración da palabra e a imaxe.

Nunca antes se falou de que Blake puidese ter influencia na nosa cultura ou literatura galegas por medio do rito do paso poético que é ler a Blake, pero se investigamos nas cartas e na obra de Luís Seoane -o mellor análogo posible de Blake en Galicia, por gravador e poeta-, nos ensaios de Plácido Castro ou nas traducións de Cunqueiro, é posible ver que Blake formou parte do esforzo dos artistas galegos por universalizar Galicia e a lingua galega.

Todos eles indican que a inspiración en Blake pode ser de relevancia para entender certos aspectos da conformación da literatura galega durante unha etapa da súa historia e a interacción dos artistas galegos con outras.

Este curso está aberto a estudantes de grao, máster ou doutoramento, investigadores e profesores de calquera ámbito e nivel, así como a artistas, creadores, axentes do ámbito cultural, museístico e de patrimonio e ao público xeral que poida estar interesado neste tema.

Cecilia Marchetto Santorun - Directora

+ info: Folleto.pdf