O xoves 11 de xuño ás 19.00 horas a Biblioteca Municipal Ágora acolle a presentación do libro "Mi vida en una poesía", de Ana Isabel González Ramil.

Publicado en Talón de Aquiles en 2025, este poemario reúne un total de 60 poemas entre os centos que autora escribiu durante a última década.

O evento será presentado polo filósofo e escritor Pedro Feal Veira, quen ao longo da súa traxectoria profesional combinou a docencia de filosofía en diversos institutos galegos coa escritura.

Descubre máis sobre o poemario

Esta obra é un compendio de experiencias, vivencias e sentimentos que levo ás miñas costas, marcando momentos da miña vida que agora son inesquecibles.

Amarguras e desgustos, pero tamén alegrías e satisfaccións.

Penurias que inundan o noso mundo, pero tamén esperanza para convertelo en único.

Só desexo que os meus poemas cheguen a todos os corazóns dos meus lectores, porque as miñas vivencias son similares ás de calquera.

Unha experiencia de vida convertida en poesía.

(Ana I. González Ramil)