Encontro-obradoiro co escritor Antonio García Teijeiro, especialista en literatura infantil e xuvenil que compaxina a súa faceta creativa coa de mestre e crítico literario.

Son moitos os recoñecementos que tiveron as súas obras, pero co libro Poemas ao mar, alzouse co Premio Nacional de Literatura Infantil e Xuvenil no ano 2017.

EN QUE CONTISTE A ACTIVIDADE

É unha actividade pensada para unha toma de contacto co proceso creativo dun libro e como se crean as historias que habitan nel. 

No encontro os nenos e nenas poderán experimentar cunha dinámica de xogo como é iso de escribir, como se busca a inspiración, ademais de ver e escoitar a un escritor que conta e publica historias para o público infantil. 

Aínda que os nenos e nenas son os protragonistas a actividade está aberta ao público adulto: familias, docentes, etc. Eles tamén terán o seu sitio reservado. 

Antonio García Teijeiro

Ademais do Premio Nacional foi e é  recoñecido con importantes premios. Recibiu os premios Merlín pola obra Na fogueira dos versos (1996), libro co que entrou na listaxe de honra do IBBY, o Premio Europeo "Pier Paolo Vergerio", promovido por la Universidade de Padua (1998) e o Premio de poesía "Illas Sisargas" co poemario Arredor do teu corpo (2006), entre outros.

Os seus libros son lidos por miles de escolares, con máis de trinta poemarios editados para a xuventude e con poemas incluídos en numerosas antoloxías, tanto en galego como en castelán ou catalán, en España e Latinoamérica.

Algúns dos seus poemas foron musicados por grupos galegos e por intérpretes da altura de Antón Seoane e Paco Ibáñez.