A Casa das Ciencias, a Domus e o Aquarium Finisterrae abren todos os días, incluídos os festivos, de 10 a 19 horas, con último acceso ás 18 horas no Aquarium e ás 18.30 horas na Casa das Ciencias e a Domus.

A programación do planetario da Casa das Ciencias, que incluirá catro sesións diarias do 28 de marzo ao 6 de abril, incorpora a estrea dunha sesión en directo cun contido especial dedicado ás eclipses solares, con motivo do que poderá gozarse desde A Coruña o 12 de agosto. Será unha sesión dirixida a persoas maiores de 10 anos na que se explicará que son as eclipses e a maneira máis adecuada e segura de observalos.

Carteleira de planetario do 28 de marzo ao 6 de abril

• 11.30 h: «A grande aventura do sistema solar» (gal., maiores de 6 anos)
• 13.00 h: «La noche es necesaria» (cast., maiores de 10 anos) (excepto o sábado 28 de marzo)
• 17.00 h: «Polaris» (cast., maiores de 4 anos)
• 18.00 h: Sesión en directo: «Vivir unha eclipse» (cast./gal. maiores de 10 anos)