Treixadura celebra o seu 25 aniversario de traxectoria artística cun novo disco que resume a súa extensa carreira e inclúe algunhas pezas inéditas.

Treixadura constitúe dende 1990 un espectáculo sorprendente. A música tradicional observada dende dúas concepcións ben arraigadas: o canto e a gaita.

Un tempo no que o grupo foi modelando o seu camiño, transformando o estilo, sen renunciar ao seu son característico. Fieis ao compromiso co seu público, elevando a interpretación da música tradicional ao máximo nivel artístico e escénico.

Ao longo da súa traxectoria son moitas as melodías que rescataron do anonimato e outras tantas creadas para que a cadea de transmisión da música tradicional continúe viva.

Un feito de facer cunha personalidade moi característica, de enlazar a raíz musical da nosa cultura co feito de entender hoxe a música tradicional.

25 anos de gravacións e concertos, 6 discos no mercado, unha variada gama de colaboracións discográfica e vida en común, compartindo co público o poder e a forza evocadora, máxica e reconfortante do canto colectivo.

O grupo está formado por: Toniño López (tambor e pandeireta), César Longa (acordeón), Pablo Nogueira (gaita e percusión), Magoia Bodega (gaita e bombo), Xaquín Xesteira (gaita e percusión).

Orfeón Treixadura (10 voces): Alberte Raposo, Toño D. Fontenla e Delio Domínguez (tenores); Antón Cabaleiro, Pablo Rei, Xurxo Raposo e Mingos Lorenzo (barítonos); Álvaro Lamas, Gustavo Cuntín e Moncho Marín (baixos).

Treixadura foi galardoado nos primeiros Premios Galegos da Música Martín Codax, entregados en decembro do 2013, como Mellor Grupo de Música Tradicional Galega.

No 2014 recibiron a homenaxe da Asociación de Funcionarios para a Normalización Lingüística pola súa exquisitez no tratamento musical e escénico do noso folclore e o seu traballo para a recuperación tradicional galega.

Venda de entradas:

Despacho da central, Praza de Ourense: de luns a venres de 9.30 a 13 e de 16.30 a 19.30 h

Despacho do Teatro Rosalía: só días de función, de 12 a 14 e de 18 a 20 h

Sede Afundación: de luns a sábado, incluídos festivos, de 9 a 21 h

Venda telefónica: 902 504 500