No verán do 2015, o Centro Municipal de Información Xuvenil do Concello da Coruña convocou a XII edición do Concurso de Fotografía de Viaxes Viaxarte. Este concurso, destinado á mocidade de 15 a 30 anos residente en España, ten como obxectivo promover a mobilidade, a creatividade e a participación da xente máis nova.

As fotografías que se poderán ver nesta exposición son as presentadas ao concurso que cumprían os requisitos expostos nas bases e reflicten a experiencia da viaxe desde unha óptica xuvenil.

O xurado, baseándose na proposta expresiva, a corrección técnica e a capacidade evocadora da viaxe, decidiu concederlle o premio á mellor fotografía a Blurma, de Andrés Álvarez Martín, e o premio á mellor serie de fotografías a Alba Roca Galán, coa serie Un planeta chamado Islandia.