A alcaldesa da Coruña, Inés Rey, recibiu esta mañá en María Pita a Áurea Fernández Basanta e Manuel José Lago, representantes da Central Sindical Independente de Funcionarios (CSIF) para escoitar as súas demandas e propostas sobre os plans de ampliación do número de xulgados de violencia sobre a muller en Galicia. Rey estivo acompañada pola concelleira de Benestar Social, Participación e Igualdade.

Inés Rey compartiu cos representantes sindicais a valoración positiva á creación de catro novos xulgados de violencia na comunidade autónoma, mais comparte tamén que esta creación "non pode ser a custa de reconverter xulgados de instrución".

Os representantes da CSIF trasladáronlle á alcaldesa que dita conversión afondaría nos problemas de saturación que xa teñen os xulgados de instrución en Galicia. Por iso solicitaron o apoio do Concello para que na Coruña a proposta final sexa a creación de novos xulgados de violencia sen modificar outros servizos existentes.