17 de marzo de 2023
A obra, escrita e dirixida por Ismael G. Candal e Gustavo del Río, aborda o maltrato infantil e a historia familiar de dous irmáns
A obra "Karelu", da compañía galega Os Náufragos Teatro, volve á cidade o vindeiro domingo, 26 de marzo, ás 19.00 horas, no Centro Sociocultural Ágora con motivo do día Mundial do Teatro.
A peza, que aborda o maltrato infantil, foi finalista nos Premios Florencio 2022 da Asociación de Críticos Teatrais do Uruguai e estivo proposta como mellor obra estranxeira xunto a outras tres producións internacionais en 2020. Pola súa banda, Denis Gómez tamén foi proposto como Mellor Actor nos Premios María Casares dese ano.
A obra, escrita e dirixida por Ismael G. Candal e Gustavo del Río, aborda o maltrato infantil e a historia familiar de dous irmáns. No ano 2022, a compañía Os Náufragos Teatro recibiu o Premio María Casares ao mellor espectáculo para o público infantil e familiar por "Hugo", unha peza sobre a empatía e o valor da diferenza que fala do trastorno do espectro autista (TEA) e que está en plena xira por Galicia e o resto de España.
"Karelu", protagonizada por Santiago Cuquejo e Daniel Otero, sitúanos no conflito sobre un feito concreto. O fillo de Martín ten un Karelu no seu brazo dereito, unha marca que deixa a roupa na pel. Unha agresión. Martín recibe a visita do seu irmán, necesita aclarar con el o que pasou e, a partir deste suceso, comeza unha viaxe ao pasado onde xorden aspectos da súa vida familiar, de cando eran nenos e como foi a educación recibida dos seus pais. Unha obra que fala da educación na contorna familiar, da violencia e da crise de valores na sociedade actual.
26 de abril de 2024
26 de abril de 2024
25 de abril de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible