O Goberno municipal comezará mañá xoves coa terceira fase da implantación dos contedores que promoven e facilitan a recollida diferenciada de roupa usada e materiais téxtiles. En total serán 28 os novos depósitos que se distribuirán por distintos barrios da cidade para facilitar a separación en orixe. O plan, posto en marcha pola Concellería de Medio Ambiente o pasado mes de xaneiro, xorde a través dun convenio coa entidade Padre Rubinos que contempla a instalación de 125 contedores en dous anos. Desde xeito, e segundo afirmou a edil María García, a súa área implantará o 60% dos contedores previstos “antes do mes de xuño”.

A Concellería xa instalou desde o inicio do programa 47 depósitos en espazos municipais, principalmente situados en zonas próximas aos centros cívicos e mercados municipais. Nestes dous meses nos que a área de Medio Ambiente potenciou a xestión dos residuos na cidade mediante a participación cidadá, recolléronse nos contedores e a través do servizo a domicilio 30 toneladas de roupa e materiais téxtiles aproximadamente.  “Unha vez remate este terceiro prazo”, explicou García comezará un novo período “no que se avaliará o comportamento que teñen os existentes así como as demandas da cidadanía que permitan introducir melloras no programa”.

Os novos contedores estarán en: 

1. Antonio Ínsua Rivas / Centro Elviña
2. Avenida Pasaxe, 38/ Hospital Teresa Herrera
3. Rúa San Vicente/ Francisco Tettamancy Borrallón
4. Praza Esteban Lareo Castro
5. Rúa San Lucas/ Avenida Finisterre
6. Praza Maestro Mateo/ Alfredo Vicenti
7. Rúa Alfonso Rodríguez Castelao/ Manuel Azaña
8. Paseo de Ronda/ Paseo das Pontes
9. Rúa Sinforiano López/ Doctor Fleming
10. Carretera de Circunvalación/ Avenida de Hércules
11. Rúa Zalaeta/ Hospital - San Roque
12. Campus de Oza
13. Centro Comercial Os Rosales
14. Avenida dos Caídos/ Alicante
15. Rúa Santo Tomás/ Vereda del Polvorín
16. Rúa Orillamar/ Javier Fonte
17. Mercado Municipal San Agustín
18. Rúa Justicia/ Travesía da Torre
19. Praza Luís Rodríguez Lago / San Pedro/ Orillamar
20. Rúa Ángel Rebollo/ Domus
21. Rúa Antonio Viñes/ Asturias
22. Ronda Camilo José Cela/ Claveles
23. Rúa Petunias/ Camelias
24. Campo de Marte/ Curros Enríquez
25. Avenida de Peruleiro/ José Careaga
26. Praza de Recife/ Igrexa de San Pablo
27. Rúa Sol/ Boquete de San Andrés
28. Ronda de Monte Alto/ Marola