A Xunta de Goberno Local aprobou este mércores a adxudicación das obras correspondentes á renovación do sistema de climatización da Fundación Luis Seoane, unha intervención que executará a empresa Seranco e na que o Concello levará a cabo un investimento de 785.000 euros.

A alcaldesa, Inés Rey, apuntou hoxe en rolda de prensa que estas obras -que desde a súa posta en marcha terán un prazo de execución de 20 semanas- permitirán solucionar os problemas de climatización do edificio.

"É unha actuación precisa para poder acometer, despois, o problema das filtracións que sofre o inmoble desde hai anos, o que se levará a cabo unha vez esté finalizada esta intervención para deixar á Luis Seoane plenamente operativa".