O Concello da Coruña, a través da área municipal de Cultura, publicou este venres a listaxe provisional de admitidos e excluídos na convocatoria de figurantes para a Cabalgata de Reis 2023 do día 5 de xaneiro, así como as persoas que deben emendar as súas solicitudes.

Recórdase que para participar como figurantes débese cumprir o requisito de idade. É dicir, que a 1 de xaneiro de 2023 os menores teñan unha idade comprendida entre os 6 e os 11 anos.

Na listaxe elimináronse as solicitudes duplicadas que se correspondían con un ou unha mesma menor. As persoas que desexen alegar contra a listaxe provisional poderán facelo ata o día 26 de decembro ás 23:59 horas, a través do correo electrónico cultura@coruna.gal.

Durante o período de alegacións non se aceptarán novas solicitudes.

A listaxe provisional de admitidos e excluídos pode consultarse, e descargarse, na parte inferior desta nova.