Este mércores, a Xunta de Goberno Local aprobou a modificación do obxecto da subvención nominativa que o Concello concede ao Básquet Coruña, co obxectivo de apoiar o club de cara á súa nova tempada na Primeira FEB. 

"O Concello seguirá apoiando o Básquet Coruña, co obxectivo de velo novamente na elite do baloncesto nacional e, por iso, manteremos a nosa achega económica ao club este ano", apuntou a alcaldesa, Inés Rey.

Ademais, a rexedora informou de que xa se está a ultimar o convenio de cesión para que o Leyma siga xogando no Coliseum e sexa novamente a súa casa no vindeiro curso.