Por mor das novas medidas pola COVID que anunciou hoxe a Xunta, o espectáculo teatral "Don Quijote somos todos", da compañía Teatro del Temple, previsto para o sábado no Teatro Rosalía, adiantarase ás 20.00 horas, co fin de que as persoas espectadoras poidan cumprir coa restrición á mobilidade nocturna. Desde o recinto, agradecen a comprensión do público e recordan a súa prioridade de ofrecer un servizo nun teatro seguro. Esta normativa afectará igualmente ao horario da filmoteca do Fórum Metropolitano, de xeito que, a partir de mañá, os pases do xoves e o venres nas dúas salas serán ás 20.00 horas, mentres que os dos sábados terán lugar ás 17.15 e 17.30 horas, e ás 20.00 horas, en ambos os espazos.