9 de abril de 2020
A concellería acolleu con sorpresa a nova da Xunta polas datas e todos os requirimentos esixidos desde hai dous anos e lamenta a falta de comunicación entre ambas as administracións cando a autoría do proxecto corresponde en exclusiva ao persoal técnico do departamento municipal
A Concellería de Medio Ambiente recibiu con satisfacción, e tamén con certo asombro, a aprobación do Plan de Conservación do ENIL (Espazo Natural de Interese Local) das Illas de San Pedro, logo de que desde abril de 2018 en que o concello presentou o proxecto á Xunta para tal fin, o seu persoal técnico tivo que responder a todo tipo de requirimentos da Consellería de Medio Ambiente. Por iso, a nova foi acollida con sorpresa por parte do departamento, máis aínda tendo en conta nas datas e nas circunstancias en que se produce. A isto hai que sumarlle unha certa sensación de desagrado pola falta de comunicación do Goberno autonómico de dita aprobación cando a autoría do Plan corresponde en exclusiva ás/aos técnicas/os da Concellería.
En todo caso, desde Medio Ambiente celebran a súa posta en marcha xa que lles permitirá contar cun instrumento que define os usos que se poderán facer destas illas e que consolidará o rico hábitat da zona. Ademais, evitará a instrospección nela de persoas que non teñan fins científicos sobre a contorna ou permiso legal para a súa explotación pesqueira e marisqueira. Neste último aspecto, ao finalizar este período de confinamento a concelleira de Medio Ambiente, Esther Fontán, ten previsto celebrar unha reunión coa Confraría de Pescadores e Mariscadores da Coruña para lles informar dos detalles do Plan e para estudar posibles vías de colaboración.
Nos próximos días, a Concellería de Medio Ambiente publicará na súa páxina web os contidos do informe para que as persoas que teñan interese sobre esta zona protexida poidan consultalo.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible