30 de decembro de 2020
Desde a concellería recordan que, por mor dos fortes ventos, o servizo non pode usar os guindastres
A Concellería de Medio Ambiente retirou 12,5 toneladas de cartón e papel nos últimos días, pese a que o persoal traballador está recollendo este material de xeito manual por mor do mal tempo e estao trasladando en furgonetas. No momento en que as condicións meteorolóxicas sexan favorables, as empregadas e empregados sairán de novo á rúa cos cinco camións con guindastres habilitados para realizaren esta tarefa de maneira ininterrompida. Co fin de evitar a acumulación de cartón e papel procedente dos negocios ou locais, o Concello facilita na súa web de Medio Ambiente as rutas que cubrirá o servizo mais os horarios da recollida porta a porta.
Neste sentido, desde a concellaría piden a colaboración da veciñanza para que non deixe fóra dos colectores este material e que o que baixe estea pregado. No caso de mobles, electrodomésticos ou útiles de gran volume, chamen ao teléfono 010 para que lles asignen un día de recollida. Medio Ambiente recorda que a normativa municipal estipula sancións para este tipo de comportamentos.
Coa nova concesión do servizo, tanto o cartón como o papel baleiraranse independentemente das condicións meteorolóxicas, xa que os novos vehículos serán de carga lateral e non suporán riscos para as operarias e os operarios.
A concelleira de Medio Ambiente, Esther Fontán, asegurou que "sempre dixen que mantermos a cidade limpa era un compromiso de todas e de todos, do Goberno local a través desta concellería poñendo os medios necesarios, e das coruñeses e dos coruñeses colaborando con actitudes de compromiso coa hixiene e a salubridade".
13 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible