Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

30 de maio de 2020

A Coruña, unha cidade que camiña

Juan Villoslada informará mañá a Comisión de Mobilidade e Infraestruturas sobre os plans do concello para adherirse á Rede de Cidades que Camiñan, unha asociación sen ánimo de lucro e aberta a concellos e outras administracións públicas comprometidas coa mobilidade peonil

A Comisión de Mobilidade e Infraestruturas reúnese mañá co fin de que o concelleiro de Urbanismo, Infraestruturas e Mobilidade, Juan Díaz Villoslada, informe o comité sobre os plans do concello para adherirse á Rede de Cidades que Camiñan, unha asociación sen ánimo de lucro, aberta a concellos e outras administracións públicas comprometidas coa mobilidade peonil, cuxo obxectivo principal é que as e os viandantes sexan os máximos protagonistas da mobilidade urbana e do espazo público.

Nesta reunión, Villoslada informará sobre a adhesión a todos os fundamentos polos que se rexe a Rede de Cidades que Camiñan, un decálogo de principios propios e de dereitos recollidos na Carta dos dereitos do peón, adoptada polo Parlamento Europeo en outubro de 1988, e pola Carta internacional do camiñar, deseñada por especialistas de todo o mundo.

Esta adhesión supón asumir como propios os principios e dereitos recollidos nestes tres documentos, segundo os cales camiñar debe ser o máximo expoñente do sistema da mobilidade urbana por ser condición indispensable para posibilitar cidades amables, saudables, sostibles, equitativas, inclusivas e atractivas, con maior cohesión social e igualdade de oportunidades no uso e desfrute do espazo público.

Os principios propios da Rede son: a mobilidade de base peonil, o dereito ao espazo público, a planificación urbanística camiñable, o deseño urbano camiñable, a seguridade viaria cun enfoque peonil, a alianza sostible, a visión global, a cidade inclusiva, a autonomía infantil e o medio ambiente urbano saudable. Nota de Prensa A adhesión da Coruña á Rede de Cidades que Camiñan supón a adaptación da nosa mobilidade a estes dez principios.

A Concellería de Urbanismo, Infraestruturas e Mobilidade lembra que se está a traballar neste tipo de medidas desde o comezo da lexislatura e, polo de agora, xa se aprobou o Plan de mobilidade "Coruña Camiña", a iniciativa de "Cidade 30", a regulación dos VMP e os primeiros tramos da rolda peonil xa están en activo desde hai semanas.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión