Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

17 de xuño de 2020

O Goberno local aproba a construción do ascensor dos Castros e as obras do campo de fútbol de Eirís

O concello pode continuar co procedemento de contratación do servizo de limpeza viaria adxudicado á UTE FCC Medio Ambiente- SAU Ingreser Atlántica. A Xunta de Goberno Local deulle luz verde á modificación das bases das bolsas comedor e as bases de adxudicación das prazas das escolas infantís municipais.

A Xunta de Goberno Local aprobou esta mañá o proxecto  de mellora da accesibilidade no Barrio dos Castros que inclúe a construción dun ascensor. O proxecto levouse á Xunta de Goberno tras varios meses de consultas coas asociacións veciñais. Un equipo da concellería de Urbanismo mantivo varias reunións coas asociacións dos Castros, do Castrillón e a Federación de Veciños que cualificaron de "moi positivo" o proxecto que puxo en marcha o anterior executivo, pero que aínda non se presentará á veciñanza.

O orzamento ascende a 486.709,80 euros. O obxectivo é mellorar a accesibilidade na confluencia da rúa Vila de Padrón e a rúa Ortigueira coa Avenida da Pasaxe e para iso instalarase un ascensor que  permitirá salvar a elevada pendente existente na avenida da Concordia. Este ascensor desembarcará nunha ampla marquesiña que utilizará como parada tanto de buses urbanos como interurbanos. O acceso ao ascensor realizarase a través dunha pasarela elevada á que se chega subindo uns chanzos desde a rúa Ortigueira ou a través dunha rampla de acceso desde a rúa Villa de Padrón, de case 11 m de lonxitude. O ascensor terá capacidade para 12 persoas. O plan conta con informes favorables do Departamento de Patrimonio Urbanístico e do Departamento do Sistema de Información Territorial.

Por outra banda, a Xunta de Goberno Local deulle luz ver á formalización do contrato do servizo de limpeza viaria coa UTE FCC Medio Ambiente- SAU Ingreser Atlántica por un importe de 14 millóns de euros. O Tribunal Administrativo de Contratación Pública,  TACGal, desestimou o recurso interposto pola UTE formada por  Valoriza Servizos Ambientais e Arias Infraestructuras contra o acordo de adxudicación. O concello poderá agora contratar o servizo de limpeza ao levantarse a suspensión do procedemento. O servizo de limpeza viaria foi adxudicado en febreiro deste ano a  FCC-Ingreser por un importe de 14.383.287, 75 euros e un prazo de duración de oito anos improrrogable. En maio, Valoriza Servizos e Arias Infraestruturas presentou un recurso contra a adxudicación, o que provocou un atraso na posta en marcha dun servizo esencial para a cidade.

A Xunta de Goberno Local autorizou a modificación das bases das bolsas comedor. Nesta convocatoria, a solicitude realizarase a nome da persoa beneficiaria, neste caso a/o alumna/o que efectivamente use o comedor escolar. E por primeira vez a bolsa comedor abarca os períodos non lectivos de Nadal 2020 e verán do 2021. O prazo de solicitude ampliouse ata o 30 de xuño. Tamén se aprobaron as bases de adxudicación das prazas das escolas infantís municipais e o manual da imaxe corporativa do Concello da Coruña.

Ademais, autorizouse a contratación das obras do campo de fútbol de herba artificial de Eirís por un importe de 1.223.915,00 euros e un prazo de execución de 8 meses. O proxecto, que recolle a construción de vestiarios para todas as persoas usuarias do campo e o peche, responde a unha vella demanda dos clubs de fútbol da cidade.

O edificio contará con 4 vestiarios para xogadores, 2 vestiarios para árbitros, 1 local para persoal de vixilancia, 2 locais de servicios públicos (feminino y masculino), un  almacén, unha oficina e un pequeno almacén que conectará coa oficina do Club Eirís.

O concelleiro de Deportes, Juan Ignacio Borrego, sinalou que a licitación das obras do campo de fútbol supón o desbloqueo dunha infraestrutura moi necesaria  tanto para cidade como para o barrio. "A rapazada de Eirís que xoga o quere xogar ao fútbol se queixaban con razón de que tiñan que coller dous buses para poder facelo".

Tamén se aprobou o expediente de expropiación forzosa de dúas parcelas na rúa Antonio Insua Rivas para a obtención de solo destinado ao sistema local viario que servirá para reforzar o núcleo de San Vicente de Elviña.

E, por último, o concello sacará unha convocatoria pública de concorrencia competitiva para que os deportistas individuais podan solicitar becas. A Xunta de Goberno Local aprobou destinar 60.000 euros ás bolsas.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión