Novas Áreas de goberno
- Todas
- Comercio, Mercados, Consumo e Barrios
- Alcaldía
- Deportes
- Economía, Facenda e Réxime interior
- Educación, Memoria Histórica, Innovación, Industria e Emprego
- Igualdade, Benestar social e Participación
- Medio ambiente e Sostenibilidade
- Relacións institucionais, Turismo e Seguridade Ciudadá
- Urbanismo, Vivenda, Infraestruturas e Mobilidade
Cando:
26 de outubro de 2020
O concello inicia os traballos para levantar a duna de protección na praia de Riazor de cara á tempada invernal
A concelleira de Medio Ambiente, Esther Fontán sinalou que por primeira vez a formación da barreira corresponderalle á nova empresa de limpeza.
A concelleira de Medio Ambiente, Esther Fontán, anunciou esta mañá na praia de Riazor que o concello iniciou os traballos para levantar a duna que se coloca cada ano no areal como barreira de protección nese tramo do Paseo Marítimo. O obxectivo, dixo a concelleira, é minimizar o impacto dos temporais na no tráfico e na circulación peonil nese tramo do paseo.
O servizo municipal utiliza dúas máquinas bulldozer para realizar os traballos, que finalizarán en cinco días sempre que a meteoroloxía o permita. Fontán sinalou que por primeira vez a formación da barreira corresponderalle á nova empresa de limpeza, e incluirá ademais a realización dun estudo co fin de mellorar a súa efectividade. A duna terá unha altura de 2,5 metros de altura, o que lle permitirá á cidadanía seguir contemplando o mar. Desde a liña de paseo até a duna hai unha separación de doce metros e medio.
Fontán lembrou que é habitual que a duna teña que se reconstruír durante a tempada invernal, polo menos nunha ou dúas ocasións. "O mar ten máis forza ca nós, pero o concello está preparado", apuntou.
Este tipo de duna levantouse por vez primeira en 1995 como resposta ao violento temporal que derribou a balaustrada do Paseo Marítimo. O risco de que o mar rebase a duna depende fundamentalmente da altura e dirección da ondada, intensidade e dirección do vento, e dos niveis da preamar. As situacións máis perigosas de subida da auga ao Paseo Marítimo e mesmo ás vías danse cando conflúen mareas vivas con temporais do noroeste, algo que se dá entre unha e tres veces máximo en cada tempada.
Doutra banda, a Concellería de Medio Ambiente estuda reforzar a limpeza e desinfección na contorna dos centros escolares e mercados de abastos ante a crise sanitaria que está a vivir a cidade cun aumento de persoas contaxiadas. Fontán sinalou que os traballos de limpeza son exhaustivos en toda a cidade e pediulle á veciñanza colaboración nas tarefas de mantemento.
Noticias de A. G. Medio ambiente e Sostenibilidade
Medio ambiente e Sostenibilidade
24 resultados
O Concello lanza unha campaña para poñer en valor o patrimonio público e histórico da cidade
Cando:
O 16 de xan de 2021
Busca a complicidade da mocidade cun vídeo en Tik Tok e chega ao resto da poboación a través dunha mostra no Obelisco
Medio Ambiente traballa nas liñas de subvencións para financiar os gastos das colonias felinas da cidade
Cando:
O 3 de xan de 2021
A concelleira de Medio Ambiente e Sustentabilidade, Esther Fontán, asegura que “o bo funcionamento das colonias e o control das mesmas é prioritario para a concellería, e o traballo destas asociacións é fundamental nesta tarefa”
O Concello e o colectivo Mulleres Colleiteiras ensínanlle á veciñanza a importancia da reciclaxe do aceite
Cando:
O 2 de xan de 2021
A concelleira de Medio Ambiente, Esther Fontán, apuntou que “durante este último trimestre tamén se colocaron novos contedores de aceite e nos próximos meses seguiremos instalando máis, procurando que en todos os barrios teñan algún preto e que ademais formen parte das novas illas de contedores de monomateriales como son o vidro, cartón, roupa ou pilas”
-
Medio Ambiente retira manualmente nos últimos días 12,5 toneladas de cartón e papel
Cando:
O 30 de dec de 2020
Desde a concellería recordan que, por mor dos fortes ventos, o servizo non pode usar os guindastres
Concello e Estado selan o impulso da Axenda Urbana 2030
Cando:
O 28 de dec de 2020
A alcaldesa, Inés Rey, e o ministro de Axenda Urbana, José Luis Ábalos, asinaron esta mañá en Madrid un protocolo para aseguraren que a aplicación das premisas marcadas neste plan sexan efectivas O Goberno local deseñará un plan de acción de medidas que servirá de modelo para outros municipios de características similares
Medio Ambiente adxudicaralles a asociacións sen ánimo de lucro a xestión das hortas dos parques de Oza e Carlos Casares
Cando:
O 21 de dec de 2020
O uso por parte destes colectivos de máis de 160 m² para a agricultura ecolóxica e tradicional terá fins sociais, educativos, ambientais, participativos e integradores
ver máis
Busca na nosa hemeroteca de AG...
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible