30 de xaneiro de 2021
As concellerías de Mercados e Medio Ambiente anuncian que se amplían as medidas de desinfección que xa se adoptaron ao inicio da pandemia para garantir a seguridade sanitaria da cidadanía, ante o aumento de positivos na cidade
O Concello, a través das concellerías de Mercados e Medio Ambiente, reforzará os labores de limpeza e desinfección en todos os mercados municipais da cidade a partir do luns. O Concello adopta esta medida ante a preocupante taxa de positividade de COVID19 na área sanitaria, e tendo en conta a importancia que os nosos mercados teñen no abastecemento dos fogares das coruñesas e dos coruñeses, converténdose nun lugar de gran afluencia de persoas.
Aínda que xa contan coas medidas adecuadas para protexer ás persoas clientes e protexerse a si mesmos contra o virus, o Concello entende necesario incrementar o servizo de limpeza atendendo ao aumento de positivos na cidade co fin de extremar a seguridade sanitaria
A concelleira de Mercados, Diana Cabanas, subliñou "o gran coidado e profesionalidade que as praceiras e os praceiros poñen no seu traballo diario, pero na actual situación reforzar a seguridade daralles máis tranquilidade á veciñanza para que sigan realizando as súas compras alí onde sempre atopan e calidade que demandan".
"Desde os inicios da pandemia se algo quedou claro é a preocupación da nosa alcaldesa, Inés Rey, pola seguridade sanitaria, pola calidade de vida e a tranquilidade da veciñanza; desde a concellería de Medio Ambiente non facemos outra cousa que poñer os mecanismos necesarios para que ese obxectivo cúmprase", engade a concelleira de Medio Ambiente, Esther Fontán.
Por todo iso, o Concello ven de deseñar un plan de reforzo de limpeza que se porá en servizo a partir da próxima semana. Deste xeito todos os luns, mentres se manteña esta situación de alta positividade, desde as 15.00 ata as 18.30 horas, dous equipos de limpeza realizarán ditas labores de reforzo do servizo diario que xa atende o mantemento dos mercados:
15.00 horas - Mercados de Santo Agostiño e Durmideiras.
16.00 horas - Mercados de Monte Alto, Palavea, e Ramón Cabanillas.
17.30 horas - Mercado de Eusebio da Garda
18.00 horas - Mercado de Elviña.
14 resultados
O 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
O 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
O 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
O 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
O 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
O 25 de feb de 2024
A alcaldesa, Inés Rey, presidiu a entrega de medallas aos gañadores
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible