Onde e cando?

Inscricións en liña en www.coruna.es/deportes, nas instalacións da C.D. de Riazor, C.D. da Torre, ou no Polideportivo Municipal do barrio das Flores, do 22 de maio ao 18 de xuño, ou ben, e dentro dos seus propios prazos e procedementos, directamente en cada entidade organizadora.

Como?

1. Cubrir a solicitude en:

• Páxina web municipal: www.coruna.es/deportes
• Entidades deportivas (co seu propio procedemento).

2. Pago da cota.

• As solicitudes presentadas a través da páxina web municipal recibirán automaticamente un SMS ou un correo electrónico, cunha mensaxe na que se informa de onde hai que facer efectivo o dito pago.

3. Para formalizar a inscrición será necesario presentar o XUSTIFICANTE DE PAGO nun prazo de 72 horas dende o momento en que se efectúa a solicitude

• É preciso indicar no xustificante de ingreso os seguintes conceptos:

- Nome do solicitante e teléfono de contacto
- Nome da entidade organizadora
- Concepto: actividade deportiva na que solicita a praza

• A copia do xustificante de pago poderase presentar a través de calquera destas vías:

- Enviando unha copia escaneada por correo electrónico a deportes@coruna.es
- Ou persoalmente entregándoa no Palacio de Deportes de Riazor, de 08.00 a 23.30 h.

• A entidade organizadora resérvase a comprobación de pago das actividades.

4. En caso de non presentalo perderá a quenda de inscrición.

5. Confirmación da inscrición:

• Nas actividades con pago de cota: unha vez entregado o xustificante de pago recibirá un SMS ou un e-mail confirmando a súa inscrición.
• Nas actividades gratuítas: unha vez enviada/entregada a solicitude recibirá un SMS ou un e-mail confirmando a súa inscrición.

6. Cando o número de prazas solicitadas supere as ofertadas, crearase unha lista de espera segundo a orde de data e hora da solicitude. Recibirá aviso de "Lista de espera".

7. Para os menores de idade, a inscrición orixinal asinada polo titor/a deberá ser entregada o primeiro día da actividade.

8. O Concello non se fará responsable das modificacións ou cancelacións que as entidades organizadoras poidan facer na súa programación. Así mesmo, reservarase o dereito para efectuar cambios por necesidades organizativas, comunicándoo coa maior antelación posible.