A Sra. Alcaldesa delegou nesta área todas as atribucións que por lei están atribuídas á Alcaldía para o exercicio da potestade sancionadora, e especificamente, para o exercicio da potestade sancionadora por infraccións ás normas de circulación cometidas en vías urbanas, incluída a resolución de recursos administrativos.

A Xunta de Goberno Local delegou nesta área todas as atribucións para o exercicio da potestade sancionadora nos expedientes tramitados nesa dirección por corresponder coas funcións administrativas asignadas a ela, e especificamente, a potestade sancionadora que ten atribuída para incoar e resolver os expedientes sancionadores por infraccións administrativas graves tipificadas nas letras b), d), g), h), j, k), e n) do artigo 33 da Lei 10/2017, do 27 de decembro, de espectáculos públicos e actividades recreativas de Galicia.

• Delegación de atribucións da Alcaldía e da Xunta de Goberno Local en materia de seguridade cidadá. BOP da Coruña do 16 de xullo de 2019
• Decretos de Alcaldía de organización municipal mandato 2019-2023. BOP da Coruña do 27 de agosto de 2019 (Decreto 4851/2019)
• Decretos de Alcaldía de organización municipal mandato 2019-2023. Texto definitivo. BOP da Coruña do 18 de outubro de 2019