Pensados en principio para público xuvenil e adulto, pero que nesta edición está máis enfocada a que os/as pequenos/as da casa tamén poidan gozar do teatro-circo.

Os espectáculos de circo que presentamos no ciclo Ilusiooóh!n redefinen e amplían os límites creativos do circo tradicional. É unha experiencia indescritible, ao mesmo tempo divertida, conmovedora e xenial imposible apartar os ollos do escenario. É unha fascinación total!

Os/as artistas bríndannos actuacións incribles, nunha combinación de teatralidade, escenografías novidosas e tramas sonoras atrapantes. Con personaxes cheos de humor e emoción: do pallaso coruñés, MARTÍN MELINSKY, ao humor e a emoción do flamenco do multipremiado espectáculo de malabares de CHICHARRON CIRCO FLAMENCO; con acróbatas e malabaristas audaces, impresionantes, cheos de forza e axilidade: desde un dúo de acróbatas marabillosos en mastro dobre, COLECTIVE PRIMAVEZ, pasando polos pórtelos acrobáticos con canto en directo do KOLECTIVO KONICAS, e que dicir da acróbata con aros premio de investigación circense de PROXECTO TRÁNSITO, sen esquecer os malabares, o bambán ruso e o humor de CIRK ABOUT IT.

Ademais, o ciclo ILUSIOOÓH!N 2023 centrará os seus esforzos na creación de novos públicos, realizando, despois dalgunha das funcións, un encontro da compañía co público que o desexe, coñecendo a algúns dos artistas e as súas disciplinas circenses, conversando sobre os deseños de vestiario, de son e a escenografía, para comprender mellor a realidade destes artistas e artesáns excepcionais.

A integración no proxecto "Circo a escena" por terceiro ano consecutivo, promovido pola Rede Española de Teatros e Auditorios, é unha grande oportunidade para consolidar e ampliar a nosa grella programática de artes escénicas do IMCE, equilibrada en canto a disciplinas, e de continuar apostando por unha programación estable de circo no Ágora a través do ciclo ILUSIOOÓH!N.

Déixate levar ao mundo máxico do Circo, levarás recordos inesquecibles e a sensación de ver actuacións artísticas únicas!

VENDA DE ENTRADAS:

• WEB: www.ataquilla.com
• Despacho de entradas da praza de Ourense (agás festivos): de luns a venres das 11.00 ás 15.00 h e das 16.30 ás 18.30 h.
• Despacho de entradas do Ágora: dende unha hora antes do comezo do espectáculo (sempre que queden entradas dispoñibles)

PAGAMENTOS: no despacho de entradas da praza de Ourense, do Ágora e na televenda con tarxeta de débito ou de crédito, agás American Express.