Se queres pasalo ben...

... atrévete a internarte nunha aventura sen fin, chea de sorpresas, onde todo é posible...

Moitas son as aventuras que a saga "Jumanji" nos mostrou, pero como as que viviremos no Fórum... nunca serán contadas.

Personaxes, lugares insólitos, aventuras, intrigas... estarán no Fórum para facer desa noite unha velada divertida e única...

Pero, ollo!, as cousas non son o que asemellan...

Se tes o espírito aventureir@ e queres vivir unha noite divertida na que nada vai ser o que parece...

Explora os recunchos do Fórum para atopar, descubrir e vivir as innumerables aventuras que o taboleiro de Jumanji nos ofrece, dunha forma totalmente distinta á das pantallas.

Demostra o teu valor realizando as probas máis intrépidas e aloucadas, endexamais vividas.

Goza dunha noite incrible, onde, por raro que pareza, todo pode acontecer.

Os/as participantes inscritos deberán asistir con:

· Roupa e calzado moi cómodos, preferiblemente roupa deportiva.

· Unha botella de auga para encher.

· Artigos de aseo persoal.

· Un saco de durmir.

· Opcionalmente, unha esteira ("esterilla") (se non é posible, o Fórum dispón de esteiras e un tatami).

Inscrición:

A partir do mércores 19 de abril, ás 9.00 h a través do formulario: https://forms.gle/T4cXVR88WnWSHi9K8

Os irmáns ou as irmás terán que cubrir un formulario por cada nena/o. No caso de ser a última praza adxudicada a un/unha deles/as, entrarán xuntos, sempre e cando a marca temporal entre as solicitudes sexa inferior a dez minutos.

A partir do venres 21 de abril, as persoas inscritas recibirán un correo electrónico de confirmación da praza adxudicada, por rigorosa orde de inscrición.

Aquelas persoas que se inscriban e non reciban a confirmación da praza, pasarán a unha listaxe da agarda.

Non se farán devolucións, agás que se cubra a praza con outro/a solicitante da listaxe de agarda.

As prazas están limitadas a 180 participantes. Se non se cubrise un mínimo de 100 prazas, suspenderase a actividade e devolveráselles o importe da inscrición