17 de novembro de 2023:

Conferencia: "Escavación do galeón Santiago de Galicia, na ría de Ribadeo. Arqueoloxía submarina e musealización", por Miguel San Claudio.

Organiza: Asociación de Amigos do Arqueolóxico da Coruña

Hora: 20:00 h.

Sen reserva previa, por orde de chegada ata completar aforo.

18 de novembro de 2023

Xornada de portas abertas: Sábado 18 de novembro de 10:00 a 19:30 h

1. Visitas guiadas:

Percorrido guiado polo Castelo de San Antón e as distintas seccións do Museo Arqueolóxico e Histórico, para coñecer o seu contido e a súa historia.

Horas: 12:00 e 17:00 h.

Duración aprox.: 1 h e 15 m.

Público: adulto

Prazas: 25

2. Obradoiros infantís:

2.1. ArqueoLAB

Entraremos na sala de investigación do castelo de San Antón para coñecer o rico patrimonio cultural que alberga o Museo. Mediante a manipulación de réplicas arqueolóxicas, conseguiremos achegarnos ao minucioso e interesante traballo que len acabo as e os profesionais que se encargan de protexer e conservan o patrimonio arqueolóxico.

Hora: 11:45 h.

Duración aprox.: 1h e 30 m.

Público: de 6 a 12 anos

Prazas: 20

2.2. Xincana patrimonial

A rapazada achegarase, a través de diferentes xogos grupais, ao rico patrimonio arqueolóxico que se amosa nas vitrinas do castelo de San Antón. Unha ruta participativa na que ademais de descubrir os obxectos, coñecerán o traballo realizado polas persoas que conservan as pezas milenarias.

Hora: 16:30 h.

Duración aprox.: 1h e 30 m.

Público: de 6 a 12 anos

Prazas: 20

3. Obradoiro para adultos:

Orixinal ou réplica?

Durante o transcurso da actividade achegarémonos ao traballo de conservadoras e restauradoras para coñecer os procesos que se levan a cabo sobre os diferentes obxectos arqueolóxicos para que luzan nas vitrinas dos nosos museos. Veremos como foron mudando os procedementos de restauración e poñeremos en práctica algunhas técnicas para a experimentación individual.

Hora: 18:00 h.

Duración aprox.: 1h e 30 m.

Público: adulto

Prazas: 15