Nesta ocasión, o ciclo contará coa participación do escritor Daniel Buján, o profesor da USC e especialista en estética da paisaxe Federico L. Silvestre, a artista visual e fotógrafa Carma Casulá, o comisario de exposicións Juan Guardiola, a historiadora da arte Carmen Pena e a arquitecta Luz Paz Agras, que realizarán unha serie de intervencións nas que se abordarán diferentes cuestións como a importancia da xilografía na obra de Luis Seoane, a fotografía de paisaxes, a relación entre creación e territorio e a proliferación de laboratorios creativos na Europa da segunda metade do século XX como o Laboratorio de Formas, entre outros temas. As conferencias, que se desenvolverán no salón de actos, poderán seguirse simultaneamente a través da páxina de Facebook da Fundación Luis Seoane.

• Próxima intervención: mércores 26 de xaneiro, 20.00 horas. Carma Casulá. Fotografía e proxectos persoais en branco e negro