"O son que me arrola" é unha proposta musical que ofrece a posibilidade de lles achegar aos/ás máis cativos/as a cultura tradicional galega, da man dos cantos de berce e da instrumentación. Un espazo lúdico onde a familia pode experimentar e manipular os diferentes instrumentos de percusión: pandeiros, pandeiretas, bombos, tarrañolas... e outros construídos a partir de materiais de refugallo. A actividade consta de dúas partes: a primeira dedicada á escoita, que dura 20 minutos; a segunda parte dedicada á exploración e manipulación dos instrumentos.

A actividade desenvolverase na aula 8 do Centro Ágora e haberá dous pases: 

• “O son que me arrola”, da Asociación socioeducativa Antonio Gandoy, ás 17.00 h
• “O son que me arrola”, da Asociación socioeducativa Antonio Gandoy, ás 18.30 h

Hai que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade. 

Organiza Normalización Lingüística do Concello da Coruña dentro do programa Apego.