O Festival Pola Paz e Contra as Guerras, previsto para este sábado 4 de outubro ás 19:30 h no Centro Ágora (A Coruña), queda cancelado por enfermidade. Pedimos desculpas polas molestias e agradecemos a comprensión de todas as persoas que tiñades previsto asistir.
Para público en general
04/10/2025
Ya ha finalizado
Cancelado
19:30 h
75 minutos
Auditorio del Centro Sociocultural Ágora. Lugar Gramela 17. 15010 A Coruña
Entrada de balde, por orde de chegada ata completar a capacidade do auditorio. Non é precisa reserva previa.
Organizadora: Asociación veciñal, cultural, deportiva e recreativa do barrio da Agra do Orzán "Agra"
Contacto: agra@galizacultura.gal
A risa e a arte son o berro de Pallasos en Rebeldía contra a guerra e a inxustiza.
Nesta gala especial uniranse o clown, a música e a palabra para construír un escenario de esperanza e rebeldía. Nesta ocasión atoparemos no escenario a Iván Prado, o clown rebelde que fai das gargalladas unha bandeira; Rendos Pequeno, coa súa enerxía para emocionar e facer reflexionar; Avelino González, mestre da palabra que nos fará rir e pensar e Mercedes Peón, a voz indomable que une tradición e vangarda en clave de liberdade.
Non perdas este encontro único para rir, soñar e celebrar a vida, porque cada risa é un acto de paz.
O festival Pola Paz e Contra as Guerras quere poñer o foco sobre as guerras e facer un chamamento pola solidariedade. Promovido pola Asociación Agra de Orzán e coordinada pola Asociación Cultural e de Cooperación Internacional Pallasos en Rebeldía.
Este festival, como todas as actividades do programa "Agra no Ágora" son de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible