A exposición itinerante "Aquela nena de Sarria", composta por doce paneis, reflicte o tempo sarrián e lucense de Xela Arias, a súa querenza por Sarria e o rural, o seu vencello co noso idioma, e o empeño en que se recoñecese Xela como o seu nome real.

A mostra inclúe unha serie de fotografías facilitadas pola familia de Xela e unha serie de debuxos da pintora lucense Sabela Arias.

Este traballo, realizado polo Colectivo Egeria, complétase con poemas dirixidos a Xela polo alumnado dos institutos sarriáns Xograr Afonso e Gregorio Fernández, por poetas de Sarria, e de compañeiras poetas galegas que seguen os camiños que Xela trazou, e ata un conxunto de "Vilariñas", especiais micropoemas con imaxes cos que un grupo de membros da Nova Poesía Guitírica honra a Xela no seu Ano.

Visita a páxina web da exposición, para máis información.