CON MI MAGIA Y TU IMAGINACIÓN. Amèlie Maga

• Sábado 9 de setembro 2023, ás 19.00 h

Duración: 60 minutos

Descubre un espectáculo fascinante, participativo e tremendamente máxico. A maga Amèlie convídate a formar parte da súa proposta, a vivir a maxia en primeira persoa. Un xogo, unha sedución, un desafío á mente... unha forma única de presentar a maxia. Elegancia, poesía e encanto no escenario. O público é parte do espectáculo e Amèlie comparte con el un arrebato de amor, a culminación dunha obra mestra ou un aparente fracaso.

ILUSIONANTE. Ilusionista Pedro Volta

• Sábado 16 de setembro 2023, ás 19.00 h

Duración: 70 minutos

O ilusionista Pedro Volta, (semifinalista de Got Talent e director artístico de Galicia Magic Fest) fará que pasedes unha tarde ILUSIONANTE chea de maxia, emoción e asombro en familia. Un show de maxia creado para estes tempos: acertará predicións imposibles coas persoas espectadoras, verás maxia ultra moderna e emocionante, inspirada en series e películas como a Casa de papel, Regreso ao futuro, os Cazafantasmas ou Mandalorian. Todo iso, acompañado cunha gran pantalla para que non perdas detalle en todo momento e alucines coa súa maxia. Lembra que as nenas e os nenos teñen que seguir soñando; e nós tamén.

DEGUSTACIÓN DE IMPOSIBLES. Joshua Kenneth

• Sábado 23 de setembro 2023 ás 19.00 h

Duración: 70 minutos

"Degustación de imposibles" é unha obra apta para todos os públicos creada polo ilusionista "guiri-galego" Joshua Kenneth. Nesta selección de imposibles a realidade do público distorsiónase con impactantes elementos visuais e poéticos como as pompas de xabón, os panos de seda ou as sombras chinesas. 70 minutos de asombro, humor e misterio, mesturado cun pouco de historia do ilusionismo. Unha experiencia interactiva, divertida e artística que deleita as persoas espectadoras invitándoas a entrar nun mundo onde todo se presenta susceptible a ser transformado, onde nada é imposible. Atréveste?

MAXIA, MISTERIOS E OUTRAS HISTORIAS. Oscar Fernández Mago (Magia en la Manga)

• Sábado 30 de setembro 2023, ás 19.00 h

Duración: 60 minutos

Da man do ilusionista Óscar Fernández será posible entrar nese mundo, onde a maxia e o humor non deixarán indiferente a ninguén. Números clásicos reinventados para chegar a novos imposibles e sensacións únicas para toda a familia. O misterio non entende de idades, e tanto crianzas como persoas adultas vivirán por igual o misterio da maxia e descubrirán que pode ser máis real do que pensamos.

Óscar preséntase como un mago moderno e pillabán, que busca impacto máxico por encima de todo. O seu estilo ao facer maxia pódese describir como vangardista, pero cunha marcada influencia dos grandes mestres da maxia, clásicos e modernos.

VENDA DE BILLETES:  

• www.ataquilla.com
• Despacho de billetes da praza de Ourense (agás festivos): de luns a venres, das 11.00 ás 15.00 h e das 16.30 ás 19.30 h
• Despacho de billetes do Fórum Metropolitano: dende unha hora antes do comezo do espectáculo (sempre que queden entradas dispoñibles).