A Casa das Ciencias é un museo interactivo, do servizo municipal Museos Científicos Coruñeses, que abriu as súas portas o 1 de xuño de 1985.

Situada nun palacete dentro do Parque de Santa Margarida, conta cun planetario e tres plantas de exposicións: experiencias de física, exposición sobre péndulos e exposición sobre a astronomía nos medios de comunicación. No oco da escaleira central oscila un péndulo de Foucault.

EXPOSICIÓNS

> SOLARIGRAFÍAS

A exposición fotográfica Solarigrafías está composta por 12 imaxes nas que o Sol é o protagonista. As instantáneas mostran o rastro da nosa estrela en diferentes latitudes da Terra.

> FÍSICA EN ACCIÓN

Xoga, sinte, imaxina, pensa, sorrí, soña... Experimenta cos módulos interactivos do primeiro piso, e esperta a túa curiosidade pola física. Na Casa das Ciencias o importante non son as respostas, senón facerse preguntas: Pódese baixar unha costa cara arriba? Como se moven as dunas? Que tamaño pode alcanzar unha pompa de xabón?

> PURO SWING

A exposición Puro swing é unha colección de 15 módulos interactivos para xogar e experimentar sobre aspectos relacionados co movemento dos péndulos. Sube a unha randeeira diferente, comprende o segredo do botafumeiro, mira como a gravidade fai debuxos xeométricos ou descubre como funcionaban os reloxos antes de que houbese pilas.

> A ASTRONOMÍA COMO CHA CONTAN

A astronomía como cha contan é unha exposición sobre a forma en que os medios tratan as noticias sobre astronomía e astronáutica. A información está distribuída en seis ámbitos que cobren desde a exploración do Sistema Solar ata os achados de planetas extrasolares ou a vida dos astronautas no espazo.

> PARQUE

As sorpresas da Casa das Ciencias traspasan as súas paredes e invaden o Parque de Santa Margarida. Proba a mover unha bóla de granito de 1.500 quilos cunha soa man ou sentar xunto a unha maceira clónica da de Newton, o que o inspirou para descubrir a lei da gravidade.

PLANETARIO

Viaxa polo espazo e o tempo, e aprende a mirar o ceo por ti mesmo. Na escuridade do Planetario asoman as estrelas visibles a primeira ollada, a Lúa e os planetas. Os programas de astronomía e as sesións en directo  achegan o universo a todos os públicos.

CARTELEIRA

Sábados, domingos e festivos:

12.00 h A noite do vampiro (infantil, galego). (Excepto o último sábado do mes*)

13.00 h Llévame a la Luna (castelán)

17.00 h El cielo de Cloe (infantil, castelán)

18.00 h Lévame á Lúa (galego) 

• As/os menores de 4 anos non poden acceder ao Planetario. 
• As nenos e os nenas de 4 a 6 anos só poden acceder ás sesións infantís. 
• As entradas para todas as sesións dun mesmo día véndense desde a apertura da Casa das Ciencias.

* Os últimos sábados de cada mes hai dúas sesións gratis especiais en directo:

11.00 O ceo para informados. Para profundar nos coñecementos astronómicos (para maiores de 14 anos).

12.00 O ceo do mes. Para iniciarse na observación do ceo (para maiores de 10 anos).

HORARIO

> INVERNO (xaneiro e febreiro)

Luns a venres: 10.00 h a 18.00 h*

Sábados, domingos e festivos: 11.00 h a 19.00 h*

*O acceso péchase 15 minutos antes.

1 e 6 de xaneiro: pechado

> PRIMAVERA (marzo a xuño)

Luns a domingo: 10.00 h a 19.00 h*

*O acceso péchase 15 minutos antes.

> VERÁN (xullo e agosto)

Luns a domingo: 10.00 h a 20.00 h*

*O acceso péchase 15 minutos antes.

> OUTONO (setembro a decembro)

Luns a domingo: 10.00 h a 19.00 h*

24 de decembro: 10.00 h a 14.00 h*

31 de decembro: 10.00 h a 14.00 h*

*O acceso péchase 15 minutos antes.

25 de decembro: pechado

ENTRADAS

> Xeral: 2 euros. Planetario: 2 euros

> Reducida*: 1 euro. Planetario reducida*: 1 euro

*Menores de 16 anos; maiores de 65; persoas desempregadas, tras a presentación de documento acreditativo; Carné Xove e membros de familias numerosas, tras a presentación de documento acreditativo.

> Gratis

• Festivos locais do Concello da Coruña (25 de febreiro e 7 de outubro de 2020)
• Día da Ciencia na Rúa (9 de maio de 2020)
• Día dos Museos (18 de maio de 2020)
• Semana da Ciencia (do 9 ao 15 de novembro de 2020)
• Persoas con discapacidade
• Menores de 4 anos
• Guías turísticas/os no desenvolvemento das súas tarefas, tras a presentación do carné acreditativo
• Persoal docente, debidamente acreditado
• Estudantado da Universidade da Coruña, tras a presentación do carné acreditativo
• Xornalistas, debidamente acreditadas/os

> Bono Tres Casas: 12 euros

• Bono tres casas: permite o acceso ás salas de exposicións da Casa das Ciencias, Domus e Aquarium Finisterrae (só un acceso por museo); é necesario conservar o bono en perfecto estado.

> Tarxeta Vente: 20 euros

> Tarxeta Vente Mini*: 10 euros

*Menores de 14 anos e maiores de 65

• Tarxetas Vente e Vente Mini: son nominativas, permiten o acceso ás salas de exposicións da Casa das Ciencias, Domus e Aquarium Finisterrae durante un ano natural que se contará desde a data de emisión (sen límite de accesos) e será necesario presentar o DNI (no suposto dos menores de 14 anos, se dispoñen del) cada vez que se empreguen.

VISITAS ESCOLARES

Se queres visitarnos cun grupo escolar, consulta toda a información aquí.