AVISO IMPORTANTE: A día 29 de decembro superáronse as 10.000 doazóns, polo que xa non se recibirán máis doazóns de xoguetes por este ano. A Casa dos Xoguetes seguirá operativa ata o 3 de xaneiro para que as familias que o necesiten poidan pasar a retirar xoguetes.

Do 1 de decembro ao 3 de xaneiro, o Espazo de Economía Circular, situado na OMIC (Costa da Palloza, 8), converterase nun lugar de encontro para compartir ilusións. Baixo o lema Cambia de aventura. Comparte a túa ilusión, anímase á cidadanía a achegar aqueles xoguetes que xa non empregan para que outros nenos e nenas poidan gozar deles ao tempo que poderá levar os que mais lle gusten dos expostos que se correspondan co valor dos seus cupóns.

Horario de apertura:

• De luns a venres: de 11:00 a 18:00 h ininterrompidamente
• Sábados: de 11:00 a 14:00 h
• Domingos e festivos: pechado
• Aperturas especiais: 24 e 31 de decembro, de 11:00 a 14:00 h

Esta campaña promove o consumo responsable e a reutilización, converténdose nunha oportunidade para reflexionar sobre o valor de compartir e o impacto positivo das nosas accións no entorno.

Información importante para participar na Casa dos Xoguetes:

• Podes doar xoguetes só entre o 1 e o 31 de decembro. Se a tenda se enche demasiado, estas datas poderían cambiar para garantir que todo funcione ben. Anunciaremos antes.
• O persoal da tenda revisará cada xoguete que se entregue. Eles decidirán se está en boas condicións para ser intercambiado por cupóns e tamén valorarán o tipo de xoguete para asignarlle o número de cupóns correspondente.
• É unha iniciativa para familias e particulares, non se aceptan doacións de grupos nin colectivos xa que o que se fomenta é a Economía circular.

Actividades para nenos e nenas de 4 a 10 anos

Durante o mes de decembro e ata o 3 de xaneiro, a Casa dos Xoguetes ofrecerá obradoiros creativos e actividades lúdicas. Entre as propostas destacan:

• Obradoiros de reciclaxe e manualidades: postais de Nadal e de Reis, adornos sostibles, , cápsulas de neve, xardineiras e xogos feitos con refugallo.
• Actividades lúdicas: contacontos, bingo de Nadal, debuxo colaborativo, scape room e o xogo do agasallo.

Todas as actividades son de balde e a inscrición faise 15 minutos antes do inicio na propia Casa dos Xoguetes. Os días e horarios poden consultarse no documento que se indica a continuación.

Este Nadal, trae os teus xoguetes e dálles unha nova vida.