Aumentan as solicitudes de inscrición nas actividades ofertadas pola OMIC dentro do programa “Aprender Coruña”. Estas actividades tratan diferentes aspectos do ámbito do consumo, dende obradoiros de compra responsable ata outros para aprender a reclamar, evitar compras compulsivas ou analizar a publicidade.

As charlas e obradoiros son dinamizados por un grupo de educadores especializados en consumo responsable e coordinados pola OMIC da Coruña. A duración de cada actividade é de aproximadamente 60 minutos e desenvolveranse algunhas na propia OMIC e outras nos centros escolares.

Con 33 centros inscritos, e unha participación de máis de 6.500 rapaces, o vindeiro curso 2010/2011, preséntase como o de maior participación neste tipo de actividades na nosa cidade, demostrando a responsabilidade da comunidade educativa en todos os temas relacionados co consumo.

O que lles deamos aos nenos eles daranllo á sociedade.