É un tipo de norma xurídica que forma parte dun regulamento e que está subordinada a unha lei.

A ordenanza municipal é aquela ditada pola máxima autoridade dun concello (alcalde ou alcaldesa) con validez dentro do municipio ou territorio.

Tradicionalmente fálase de "ordenanzas" para referirse ás normas municipais con efectos sobre a cidadanía e de "regulamentos" para as normas internas, de autoorganización. Non obstante trátase de dous termos que expresan unha mesma realidade xurídica: normas de natureza regulamentaria elaboradas polo Pleno dun Concello.

A aprobación das ordenanzas e regulamentos municipais, en xeral, axústase ao procedemento recollido no art. 49 da Lei 7/1985 reguladora das bases de réxime local de 1985 (LRBRL) e as súas modificacións posteriores, e resúmese en:

• aprobación inicial polo Pleno
• información pública e audiencia ás persoas interesadas polo prazo mínimo de trinta días para a presentación de reclamacións e suxestións
• resolución das reclamacións e suxestións presentadas dentro do prazo, e aprobación definitiva polo Pleno. Se non se formulou ningunha alegación considerarase definitivamente aprobada.

Na seguinte ligazón poderás consultar as ordenanzas municipais que máis afectan o traballo diario da Policía Local:

Ver ordenanzas